पदम जोरा,डडेल्धुरा
डडेल्धुरा जिल्लामा समाज रुपान्तरणमा कृयाशिल बहुउद्देश्यिीय विकास समाज एम्पीडियस डडेल्धुराले कोभिड १९ खोपका लागि समुदाय परिचालन परियोजना सम्वन्धि पालिका स्तरीय परियोजना सुभारम्भ बैठक परशुरामको जोगबुडामा आयोजना गरेको छ ।
जिआईजेडको आर्थिक सहयोगमा बहुउद्देश्यिीय विकास समाज एम्पीडियस डडेल्धुराले डोटी र डडेल्धुरामा कोभिड १९ खोपका लागि समुदाय परिचालन परियोजना सुभारम्भ गर्ने भएको छ ।
बि.स.२०७६ देखी बिश्व महामारीको रुपमा देखा परेको कोरोना भाईरसको संक्रमण वाट नागरिकलाई जोगाउन परियोजना सुभारम्भ भई रहेको परियोजना संयोजक शिबराज पाठकले गाउँघरन्युज लाई जानकारी दिए ।
परशुराम नगरपालिकाका नगर–प्रमुख भरत वडायर जोशीको संयोजकत्वमा १२ वटै वडाका वडा अध्यक्ष, कार्यपालिका सदस्य र विषयगत साखाको सहभागितामा बैठक जोगबुडामा सम्पन्न भएको हो ।
नागकिरलाई खोपको पहुचमा ल्याउन समुदाय परिचालन कार्यक्रम संचालन हुने उनले जानकारी दिए ।
सोही विषयमा स्थानीय तहमा पालिका स्तरीय सुभारम्भ बैठक सुरु गछौं, छिट्टै कार्यक्रम सञ्चालन हुन्छ एम्पीडियस डडेल्धुराका कार्यकारी निर्देशक प्रेम बहादुर महरले वताए ।
अझै शुदूरका र्दुगम, गाउँ बस्तीका नागरिकहरु कोभिड १९ खोपको पहुच भन्दा वहिर रहेको स्वास्थ्य मन्त्रालयको तथ्याङ्कका रहेको छ ।
नागरिकलाई बढि भन्दा बढि कोरोनाको पहुचमा ल्याउने परियोजनाको मुख्य उदेश्य हो निर्देशक महरले थपे ।
स्वास्थ्य कार्यालय, डडेल्धुरा, सबै पालिकाका स्वास्थ्य साखाको समन्वयमा जिआईजेडको आर्थिक सहयोगमा नागरिकहरुको खोपमा पहुचमा पुगाईन्छ महरको भनाई छ ।
जिल्ला भरीका २७१ सामुदायिक महिला स्वास्थ्य स्वयसेविका मार्फत वडामा खोपको पहुचमा नरहेका नागरिकको खोजी गरि पहुचमा ल्याउने, आवश्यकता र सुचाङ्कका आधारमा स्वास्थ्य संस्थालाई उपकरण उपलब्ध गराउछौं ,
स्थानीय एफ.एम.रेडियो वाट सचेतनामुलक सन्देश, खोप सिबीर तथा मोवाईल क्याम्पका आधारमा नागरिकलाई खोपको पहुचमा पुगाउन सकिने उनले वताए ।
सुभारम्भ बैठकको समापनमा समारोहलाई सम्वोधन गर्दै परशुराम नगरपालिकाका नगर–प्रमुख भरत वडायर जोशीले एम्पीडियस डडेल्धुराको खोप सचेतना कार्यक्रम निकै प्रभावकारी छ, हरेक तह र तप्कावाट साथ सहयोग हुनु पर्ने बताए ।
जोशीले भने, एम्पीडियस, डडेल्धुराले विगत ३ दशक देखी शूदुरपश्चिम प्रदेशमा सामाजिक रुपान्तरणमा काम गरि स्थानीय सरकारलाई टेवा दिई रहेको छ ।
अहिले फेरी कोरोना संक्रमण नघटेको अवस्थामा खोपमा नागरिकको पहुच
बृद्वी गर्ने कार्यक्रम सुचारु गर्नु भएको नगरपालिका र मेरो व्यक्तिगत साथ रहने उनले वताए ।
