पदम जोरा,डडेल्धुरा
आसन्न बैशाख ३० गते सम्पन्न हुन गईरहेको स्थानीय तहको निर्वाचनमा नेपाल कम्युनिष्ट पार्टी माओवादी (केन्द्र) परशुरामले शेरसिह माल (डायमण्ड) लाई मेयर र विमला महता लाई उप–मेयर पदको उमेदवार घोषणा गरेको छ ।
आईतवार माओवादी केन्द्र परशुरामको पुर्ण वैठकले पार्टीको तर्फवाट मेयर र उप–मेयर पदका उमेदवारको टुङगो लगाई प्रचार प्रसारलाई तिब्रता दिएको छ ।
मेयरमा नगर कमिटि अध्यक्ष शेरसिंह माल डायमण्ड र उप–मेयरमा विमला महता लाई अगाडी सारेको नगर कमिटी सचिव कर्ण धामीले गाउँघरन्यूज लाई जानकारी दिए ।
मेयर र उपमेयर सहित केही वडावाट वडा अध्यक्ष, सदस्य पदका उमेदवारमा सहमती भई सकेको छ, बैसाख १० गते भित्र १२ वटै वडावाट वडा अध्यक्ष र सदस्य पदका उमेदवारको टुङगो लाग्ने धामीले जानकारी दिए ।
शेरसिह माल (डायमण्ड) विमला महता माओवादी (केन्द्र) का तर्फवाट २०७४ सालको स्थानीय तहको निर्वाचनमा मेयर र उप–मेयरका उमेदवार थिए ।
परशुराम नगरपालिकामा हुने भनीएको ५ दलिय गठबन्धन असफल भए पछि दलहरु विच एक्ला/एक्लै चुनावी प्रतिस्पर्दा गर्ने निर्णयमा पुगेका हुन ।
सोही अनरुप दलहरु आ–आफ्ना पार्टीका आधिकारिक उमेदवार घोषणा लाई तिब्रता दिई रहेकाछन ।
माओवादी (केन्द्र) ले मेयर, उपमेयर पदका उमेदवारको टुङगो लगाई सकेको छ भने, एमाले र काँग्रेस छलफल, बैठकमा व्यस्त छन ।
निर्वाचन आयोगले बैसाख ११ र १२ गते सम्म मनोनयन दर्ताको मिति तय गरेको छ, दलहरु एक अर्काे पार्टीका उमेदवारहरुको पर्खाईमा रहेकाले १० गते भित्र उमेदवार टुङगो लागी सक्ने बुझिन्छ ।
बिशेस गरी परशुराममा एमाले, काँग्रेस र माओवादीका विच कडा प्रतिस्पर्दा हुने देखीएको छ ।
२०७४ सालको स्थानीय तहको निर्वाचनमा काँग्रेस ,माओवादी र एमालेका बिच कडा प्रतिस्पर्दा भएको थियो ।
